【明報專訊】區議會選舉上周四截止報名，城市大學教職員協會主席謝永齡突然出山參選，但就唔係返老巢灣仔嘅銅鑼灣選區，而係去渣甸山選區。佢同Emily講，唔返老巢係因為唔想同辭職參選嘅女警邱汶珊有衝撞。不過，謝永齡喺渣甸山選區都同另一名泛民、「灣仔起步」嘅張朝敦撞區。被問到點解會撞區，係咪無協調？謝永齡只係話「協調人嘅工作做得好差」。渣甸山選區另一參選人係現任區議員、自由黨林偉文。