【明報專訊】諾貝爾獎噚日起陸續揭曉，彭博新聞報道，奧斯陸國際和平研究所預測，香港眾志常委羅冠聰有機會奪得今年諾貝爾和平獎。有網民投稿去facebook專頁「CUHK Secrets」提出「香港版諾貝爾獎」名單，香港警隊同時獲得物理學獎同化學獎，「功績」包括將普遍用於教學同觀星嘅雷射筆，重新定義為攻擊性武器，示範近距離燒焦深色紙，引發全城「物理實驗」；頒化學獎畀警隊係因為佢哋喺港鐵站內同老人院一帶發射催淚彈。