【明報專訊】區議會選舉11月底舉行，民建聯順天邨社區幹事鄺星宇（圖）喺該區工作近兩年，上星期四、即係提名期前一日突然喺區內派單張，話自己受到恐嚇，決定唔參選區議會。而區內近日出現上屆落敗、順天前區議員民建聯郭必錚嘅「成功爭取」海報同單張，包括成功爭取喺該邨增設櫃員機，海報上鄺星宇個頭就被遮晒，單張亦無民建聯字眼或logo。郭必錚同Emily講，參選唔係佢決定，話要等民建聯處理鄺星宇話唔選嘅問題先。