【明報專訊】十一國慶日全港多區大規模出現示威衝突，噚日警方記者會成為眾人焦點，警務處副處長（行動）鄧炳強再度現身記者會解畫。可是，記者會一開始就發生尷尬蝦碌場面，當警方想播放新聞片段時，有傳媒攝影師發現收唔到音，要求警方暫停並解決收音故障問題，但擾攘咗5分鐘都未搞得掂，已經就座嘅鄧sir睇嚟非常唔耐煩，甚至黑面。