【明報專訊】警方近期嘅例行記者會上，都會播唔同嘅短片同相，噚日當警察公共關係科總警司謝振中想播片，解釋前晚警方喺觀塘道有警察上巴士調查時，個電視因為信號問題播唔到片，現場所有人等咗接近1分鐘，咩畫面都睇唔到。謝sir唯有形容番條片出嚟，話片段中警察要求傳媒離開時已經「不斷咁講唔該」，因為巴士係「罪案現場」，唔適合採訪，又強調尊重新聞自由。電視最終一直死機，搞到成個記者會咩片都播唔到。