【明報專訊】呢排有唔少被捕示威者被送入文錦渡新屋嶺拘留中心。呢個地方近羅湖，人迹罕至，唔少人對呢處相當好奇，噚日一班銀髮族山長水遠去咗新屋嶺拘留中心，打算觀察吓環境。當銀髮族行上缸瓦甫路，想由高位俯瞰拘留中心嘅時候，就落起好大雨又行雷，其實都幾危險，然而佢哋唔肯走，堅持完成行程。