【明報專訊】唔少建制派認定反修例運動有外國勢力喺背後做洋指揮，唔少仲上載外籍人士喺現場嘅相片話係「證據」。民建聯立法會議員葛珮帆（EQ）前晚深夜就喺fb上載一段短片，話「暴徒指揮是外國人？！和陳志全有商有量？！」但片中「外國人」其實係防暴警外籍指揮官，結果惹嚟人民力量立法會議員陳志全同一眾網民揶揄，而EQ相信都好快知自己「點錯相」，一個鐘內極速刪post。