【明報專訊】6個立法會議員上星期應邀去美國蒙大拿州，參加「港美議員交流會」，有份去嘅新民黨主席葉劉淑儀同自由黨黨魁鍾國斌今日會舉行聯合記者會，回顧同埋分享上周嘅美國交流之旅。自由黨榮譽主席田北俊經常隔空揶揄葉太，令外界認為兩黨唔太友好，今次聯合開記招可謂破天荒。葉太同Emily講，過去的確冇同過自由黨成員一齊開記者會，強調今日嘅記招係用個人身分召開，因為得佢同鍾國斌兩個建制派有去交流。