【明報文章】四車連環相撞，到警署落口供，外圍水馬陣，外牆被塗污，招牌被打爛。大堂告示板，兩張乒乓球桌咁大，貼滿市民的打氣心意卡，加油啊警察叔叔，proud of you！以前都落過口供，但今次警局內的所有人，超級有禮貌，好聲好氣，唔該前唔該後。負責的李sir，交通警制服，長boot好有戰鬥格，一出玻璃門，大動作招手：「哎呀馬生真係唔好意思，咁耐先排到期，嚟嚟嚟，呢邊，請！」因為反送中，有伙記上前線，後勤本來一日做五單案件，𠵱家做十單，double！李sir很細心教我如何索償，又講吓笑，好friend咁。其實，警察平日服務唔錯，今次形象出問題，交警唔想燒埋自己嗰疊，努力做好警民關係。