【明報專訊】兩電上年起推出「上網電價」計劃，向民間回購可再生能源，有中學參加咗計劃，其中一間係位於九龍塘嘅何明華會督銀禧中學，佢哋上個月喺校舍屋頂裝咗114塊太陽能板，上星期啟用。Emily噚日去參觀，校董李銳波話，系統每年可產電5.7萬千瓦，約等於160個4人家庭每月用電量，每年上網電價收入約有23萬元，會全數用嚟支持學生發展，包括發放獎助學金、環保及STEM（科學、科技、工程、數學）教育。