【明報專訊】區議員不時搞旅行團帶街坊去玩，新民主同盟北區區議員陳惠達噚日帶成班街坊去港珠澳大橋、澳門一日遊，仲話今年暑假無去旅行，諗住帶埋阿仔去陪番佢一日，點知澳門唔畀佢入境。陳惠達喺fb上載被拒入境通知書，澳門當局話「有強烈迹象」顯示佢企圖入境澳門從事危害公共安全或秩序嘅活動。去唔成旅行團，陳惠達隨即去咗機場，出席「和你飛」集會。