陸頌雄撳錯掣 投林鄭不信任票 話當時無核實 鞠躬致歉
文章日期:2019年5月30日

【明報專訊】民主黨尹兆堅噚日喺立法會提出對特首林鄭月娥提出不信任動議,議案喺建制派護航下,被否決屬意料之內;不過Emily睇一睇投票結果,就發現工聯會陸頌雄投票贊成議案,莫非佢有不滿,令佢投票表態不信任林太?其實大家都估到,陸頌雄係投錯票,佢會後主動行到記者區,解釋話自己係要投反對票,但「撳錯掣」,惟當時無核實,為此向公眾鞠躬致歉。佢事後又喺facebook解畫,形容「對於反對派近日無理行為實在火遮眼,對按錯投票掣都無為意,實在超錯」。

這是明報教育網-訂戶專區,進入本區前,請先登入系統...