【明報專訊】大家平時喺街上或各出入境口岸，可能都見過不同執法部門嘅執法犬當值，包括海關搜查犬同警犬等，海關噚日（15日）就喺海關學院舉辦咗「2019香港執法犬研討會」，研討會嘅主角，當然係一班執法犬；其間仲舉行咗聯合演練，由領犬員同狗狗示範穿越障礙物及依照指令檢取物件，表現出佢哋嘅靈敏度及服從性。