【明報專訊】「現時線路繁忙，客戶服務主任未能接聽你嘅電話……」，相信大家打過客服熱線都會聽過呢句錄音，但今時今日好多人都選擇上網或用App搵答案解疑難。香港優質顧客服務協會上年訪問咗500個顧客，佢哋過去一年有用過客戶服務，七成人話會上網同用Apps查詢；有趣嘅係，八成人話如有急事，傾向搵真人客服溝通，原因係對方「更了解顧客需要」及「更能解決問題」。