【明報專訊】內地4名維權人士符海陸、張雋勇、陳兵及羅富譽因為喺2016年製作「銘記八酒六四」白酒，被內地控以尋釁滋事罪，案件陸續開審，支聯會近日舉辦活動聲援。立法會噚日辯論由民主黨主席胡志偉提出嘅「毋忘六四」議案，支聯會早上就去到立法會示威區支持議案，秘書李卓人更加捐咗入一支特大嘅「銘記八酒六四」道具入面（右下），聲援同要求釋放因賣「銘記八酒六四」白酒而被控告嘅4人，並高喊「平反六四、結束專政、永不放棄」口號。