【明報專訊】唔少人話香港係「石屎森林」，但好多舊區好似灣仔，依然大把特色。大家有無諗過企喺今日嘅灣仔，篤住手機「重返」舊日灣仔，睇人喺大牌檔開餐？香港設計中心喺灣仔推出「#ddHK 設計#香港地」計劃，搵咗日本設計師藤幡正樹，融合AR擴增實境技術創作40幾個作品，市民用手機App「掃一掃」區內印有「BeHere」嘅標誌，就可以見到上世紀居民生活面貌。