【明報專訊】有「風之后」之稱嘅李麗珊早年喺廣告講過「養一個小朋友要400萬」，佢話當時有唔少人畀佢嚇親，但近排竟然有人同佢講400萬都唔夠。珊珊解釋，其實當年佢係想表達湊小朋友用幾多錢唔係重點，重要嘅係學識未雨綢繆，為小朋友計劃將來。佢又打比喻，話養兒育女，最大投資其實係時間：「我個女小學已開始用電腦，我嘅年代出外工作才開始接觸；佢一旦問起而我唔識，可能會覺得阿媽你真無用，所以逼住一齊學、一齊進步，咁樣都係好花費時間嘅。」