【明報專訊】民主黨深水埗區議員袁海文（Ramon）早前召開記者會，協助多名買咗虛擬貨幣「礦機」嘅事主，近日佢話有人冒認其議助名義，致電市民聲稱要處理虛擬貨幣投訴，其後市民聯絡佢哋求證先發現事件。Ramon向Emily講，已將事件轉交警方，仲話涉事者有可能干犯冒認公職人員嘅罪行。被問到事件會唔會同佢早前召開記者會批評人有關？Ramon話睇唔到有直接關係，但最近真係多咗古靈精怪嘅騷擾。