【明報專訊】民主黨3月19日舉辦黨慶，上年黨慶因為邀請特首林鄭月娥（圖），林太即席捐出3萬蚊一事引起爭議。據Emily了解，民主黨今年黨慶，無論酒會、晚宴，都唔會邀請林太同律政司長鄭若驊，意味捐款一幕唔會再現，其他問責官員則會邀請。副主席羅健熙話，唔請嘅原因係𠵱家時機不太適合，有好多不同原因綜合考慮。