【明報專訊】經民聯噚晚舉行6周年晚宴，喺海洋公園萬豪酒店筵開80席。出席主禮嘅有特首林鄭月娥、中聯辦副主任譚鐵牛，仲有一班司局長齊齊上台合唱《獅子山下》，為經民聯籌得1000萬元，單係前全國政協常委陳永棋就捐咗200萬。林太大開金口，而Emily就留意到唱歌最肉緊、十分陶醉嘅係發展局長黃偉綸，佢仲不時遞咪畀企喺佢身邊嘅局長唱歌。商務及經濟發展局長邱騰華就喺台上自拍。