【明報專訊】冬季流感季節即將來臨，為咗推廣接種流感疫苗嘅信息，衛生署噚日派護士到立法會為議員打流感針，約30名議員輪流接種。正懷孕嘅新民黨容海恩（Eunice）打針時成為焦點，食物及衛生局長陳肇始輕搭佢膊頭，醫學界議員陳沛然在旁打氣；與Eunice同一時間打針嘅經民聯盧偉國就扮「呷醋」，講笑話傳媒個個都影Eunice打針唔影佢，畀Eunice搶晒鏡。