【明報專訊】立法會開會期間，間中都會出現會議廳入面唔夠法定人數，或者撳咗掣排隊發言嘅議員不在席嘅情况，立法會秘書處見到咁，以往不時會向議員發出提示，包括打電話、發信息畀議員。秘書處前晚就發出通告，話已經檢討安排，認為要統一做法，只會向首3名喺辯論中輪候嘅議員同修正案動議人，發送手機短訊提‍示，但唔會發送額外提示，好似唔會打電話畀啲議員；又提醒首3名排緊隊發言嘅議員，應該留喺會議室。