【明報專訊】特首林鄭月娥噚日發表任內第二份《施政報告》，夜晚出席傳媒論壇時，被問到做咗一年多特首，最大壓力來源喺邊，林太話係來自老公林兆波，因為自己呢年幾無乜時間陪對方，又透露噚日發表演辭後，問老公對施政報告有咩睇法，林兆波話作為市民會覺得報告全面，但「作為你老公就好唔滿意」，因為林太將來好多嘢要執行，會更忙碌，「以後唔使見你啦係咪？」