【明報專訊】同台灣前總統馬英九有幾分相似嘅「房協馬英九」、房協物業發展及市場事務總監劉竟成（Daniel）今日退休，喺房協做咗28年嘅Daniel噚日同相熟記者行家回顧昔日工作生涯；佢話最難忘係當年馬頭角收樓時，有商戶唔肯走，仲手持兩個打火機同石油氣箍住房協職員，話要一鑊熟，Daniel立即趕到現場同商戶溝通，事件最終圓滿解決。佢話，處理個案一定要真誠溝通。