【明報專訊】中秋節唔少人買月餅，但有時買多過食，近年有唔少團體舉辦回收月餅活動，希望轉贈有需要嘅人，減少浪費，但似乎仍係「產量」過多，機構「食德好」噚日話，今年嘅月餅回收有超過7萬個，比去年多近八成，數字亦係歷年最高。食德好坦言，觀察到受惠者對接收季節食品有飽和趨勢，派發月餅漸見難度，希望大家正視「結構性」剩食問題。