【明報專訊】馬會將舊中區警署歷史建築群活化，變成「大館」開放予公眾參觀，不過中西區區議員兼民主黨立法會議員許智峯（右）就唔多滿意，批評馬會活化變「私有化」，違反對區議會嘅承諾，形容馬會「圈地」。阿峯話馬會以避免太多遊客同時喺大館為由，要求參觀者先網上申請入場證，認為做法違反早前馬會於區議會表示大館不設限向公眾開放嘅承諾，認為市民進出公共空間權利變成馬會「酌情權」，事前無諮詢區議會，做法對社區唔公道，要求馬會糾正錯誤，取消入場證嘅限制。