【明報專訊】中聯辦副主任譚鐵牛噚日去公開大學演講，分享中國現時嘅創科發展，及香港可以點抓緊機遇同內地合作。近年香港大力發展創科，不過學生就畀人話好實際，多數揀商科及讀醫科，譚鐵牛話文憑試（DSE）放榜時，佢最緊張係狀元想讀咩科，話「希望有人選理工科」，幫手一齊發展吓科技。Emily睇番今年狀元選科，就見到無人揀理工科。