【明報專訊】下個月24號先係中秋節，已經全城都係月餅廣告。近年奶黃月餅大受歡迎，亦掀起炒風，而被喻為「全城最貴」嘅半島酒店嘉麟樓迷你奶黃月餅，噚日朝早8點開始接受網上訂購，一盒八個賣成550蚊，Emily就想試吓究竟係咪好難訂，點知由朝早10點幾到中午12點幾，網頁專用訂購系統都顯示網站流量極高，系統暫時無法處理更多訂單，要等3分鐘重新連接系統。