【明報專訊】特首林鄭月娥正展開第二份《施政報告》嘅諮詢工作，佢嘅fb專頁噚日就預告本周五晚8點將開live，即場同網民就施政報告交流意見，亦可以預先喺帖文下方留言，佢當晚會抽出部分留言回應。帖文出咗9小時已錄得70多個回應，有網民就請林太拋個藍圖出嚟，講明「填邊度，填幾多，幾多係商業，私宅，公屋」，先叫人討論。