【明報專訊】衆所周知，香港警察有供奉關帝嘅傳統，而Emily噚日就見識到，原來黃大仙警區嘅警務人員，係有拜黃大仙嘅傳統，噚日警署就安排近期升級嘅17名人員，參加咗一個隆重嘅「拜大仙」儀式！除咗有嗇色園安排道長嚟祈福外，警區都買咗8隻燒豬做祭品，亦有好多重量級人物出席，包括警務處前處長李明逵，連李sir都話佢都係第一次見證拜大仙儀式，場面墟冚。