【明報專訊】食環署近年被批評執法時欠缺同理心，上星期六旬拾荒者「蘭姐」被食環署職員票控喺公眾地方棄置垃圾，蘭姐則自稱只因「一次拎唔到咁多」，先喺紅綠燈柱旁放低袋垃圾。究竟蘭姐點解要放低袋垃圾？社福界立法會議員邵家臻噚日向食環署長劉利群公開發「英雄帖」，邀請佢做一日拾荒者，試吓易地而處。Emily問過食環署長會否應約，食環署回覆查詢話，阿臻噚日先致函署長，署方需時回覆。