【明報專訊】環保最重要一環係源頭減廢，好似出外用膳，唔經唔覺就好易用咗好多塑膠餐具，環境局長黃錦星噚日出席「走塑沙灘　餐具先行」啟動禮，佢話全球都好關注海洋廢物，特別係塑膠，各地都有唔同方法做自願「走塑」，而政府嚟緊就會喺康文署轄下沙灘，聯同相關小食亭、快餐店同沙灘附近嘅餐廳，喺運作上避免即棄塑膠，例如膠飲管，同埋減少即棄塑膠餐具，希望一齊加強沙灘教育宣傳。