【明報專訊】政府計劃發展元朗橫洲，第一期興建約4000個公屋單位，令橫洲3條非原居民村要遷離家園。立法會跟進橫洲發展項目事宜小組委員會5名議員噚日去橫洲考察，一直關注橫洲動態嘅「議會陣線」朱凱廸強調，政府應先發展以棕地為主嘅第二期同第三期發展區；身兼委員會主席嘅工聯會麥美娟就話，下星期會舉行兩節公聽會，希望政府可以同村民商討安置問題。