【明報專訊】政府工被視為「鐵飯碗」，近年不時都會爭崩頭，估唔到天文台最近請學術主任，除咗登招聘廣告外，仲會拍片喺facebook宣傳有關職位係做咩。片中有學術主任王德勤（Ken，圖）同大家分享佢喺天文台嘅工作點滴，原來學術主任除咗預測本地天氣外，仲會做海洋預報、航空氣象、地震、海嘯同輻射監測等有關工作，試用期間有內部培訓，有時有機會喺正常辦公時間以外到戶外工作，睇落都幾吸引。