【明報專訊】立法會體育、演藝、文化及出版界議員馬逢國嘅「髮gel事件」，早前成為城中熱話，大家除咗關心馬逢國嘅髮型同髮量，亦關注機場嘅保安問題。保安局長李家超噚日書面回覆議員提問，話過去5年都無發生類似個案，換言之，馬逢國係5年來第一個可以帶違規物品上機嘅乘客。李家超強調，民航處已經要求機管局提交報告，要避免同類事件再次發生。