【明報專訊】近年經常發文狠批民主派嘅專欄作家屈穎妍，噚日喺油麻地中華書局為新書《既是紅底又如何？》舉行發布會，請咗前特首梁振英（CY）做嘉賓。近日不時喺fb發文批評泛民嘅CY，話自己唔鍾意吞吞吐吐嘅政論，大讚屈穎妍文章「敢言直說」，讀起嚟「大快人心」，又話香港習非成是嘅事太多，社會需要更多理性聲音，形容喺社會政治而言，「無論紅底唔紅底，香港都需要更多屈穎妍」。