【明報專訊】東區區議會佳曉選區下月10號補選，民建聯植潔鈴同泛民支持嘅獨立候選人李鳳琼分別舉行造勢活動，前者表明自己係唯一建制人選，後者就話自己係民主派代表，噚日造勢大會更係「暨踢爆『真』建制行動」，似乎係針對另一候選人、已故議員林翠蓮嘅助理陳真真。陳真真就發聲明，強調自己係獨立，已經退出建制派，亦唔會以民主派自居咁話。