【明報專訊】律師會本月底將會改選5個理事席位，共有9個人報名競逐，當中包括香港大學學者張達明及人權律師林耀強，令部分人將今次選舉睇成「黃藍之爭」。曾經擔任律師會會長、去年競逐連任理事失敗嘅立法會議員何君堯，噚日就一度喺facebook提出推薦名單，以「向法政匯思說不，向公民黨說不」，仲呼籲會員可以將授權票交畀現任理事陳曉峰或者佢本人。不過呢個post後來刪咗，Emily噚晚致電何君堯，想了解一下刪post原因，至截稿前未能聯絡上。