【明報專訊】立法會會計界議員梁繼昌（Kenneth）本身擁有律師及會計師資格，並專長稅務工作，噚日佢就喺facebook專頁上載一條50秒嘅短片，叫「專業知識一分鐘」，希望簡單同網民講吓稅務問題，話收到市民去信畀佢查詢，因為收到一筆突發嘅收入，想知道稅局最遲可以幾時追佢交稅，短片用咗幾十秒簡單解答問題，不過片段所見，Kenneth竟然全程都要拎住張「貓紙」，時不時望望再講，唔通稅務問題真係咁複雜，幾十秒說話都係睇住嚟講先穩陣？