【明報專訊】懲教署噚日上載一條名為《高．非不可攀》嘅短片，拍攝「跳高女神」楊文蔚（圖）首次到監獄，仲參與入面嘅廣播節目《淺談更生》，同兩名在囚青年對話，楊文蔚話同佢哋傾偈時，提到自己都曾經反叛嘅經歷，「我都歪過，只係未歪到入懲教院所」，但運動改變佢嘅生命，寄語囚友將來搵到自己喜歡嘅嘢，慢慢努力證明畀人睇已改過自新。