【明報專訊】美國駐港總領事唐偉康（Kurt Tong）噚日應邀出席香港外國記者會午餐會，就中美貿易摩擦議題發表演說。講題好嚴肅沉重，不過唐偉康開場時都好風趣咁話，外國記者會事前問佢要咩紀念品，雨遮同水杯二擇其一，佢揀咗水杯。噚日咁啱落雨細濕，中午仲幾大雨𠻹，但佢當場接過外國記者會負責人遞過嚟嘅「美國愛香港」圖案水杯，見到上面有美國國旗，就笑得好燦爛，最終要杯唔要遮。