【明報專訊】立法會一地兩檢條例草案委員會進入逐條審議階段，會議室內泛民同委員會主席葉劉淑儀，以至泛民同建制派之間不時爆發罵戰，噚日更兩度因為爭拗要暫停會議。工聯會麥美娟噚日主動見記者，話被新民主同盟范國威誣衊佢喺會議室講粗口，叫范國威向佢及工聯會道歉；范國威就話麥美娟喺會議室內講咗個「超」字，睇番前文後理，用個「超」字同講粗口冇分別，所以唔會道歉。