【明報專訊】港區人大代表去年換屆，不過即使經過上月嘅全國兩會，一般市民都未必認識全部36個代表。曾任港區人代嘅自由黨創黨主席李鵬飛，噚日喺港台節目《議事論事》上，就向新任全國人大常委譚耀宗建議成立一個港區人代辦公地點，等市民聯絡有門，同多啲認識人代。不過譚sir話，人代同立法會議員唔同，全國人大無提供相關資源，但人代都會喺各自辦公地方為民服務咁話。