【明報專訊】財經事務及庫務局前局長陳家強接受團結香港基金副總幹事兼政策研究院主管黃元山訪問，大談兒時生活同卸任後重返大學教書嘅感受。陳家強話細個時一家住過劏房，之後家人輪到公屋，上樓搬咗去彩虹邨，父母仲透過「租（居）者有其屋計劃」置業。佢認為政府可以提供多啲首置單位，並要「真係好平賣」，令市民有個置業希望，定價就應該同市民負擔能力掛鈎，而唔係同市場掛鈎。