【明報專訊】「柏茵旅遊」因經營困難突然結業，令部分事主有所損失，民建聯立法會議員劉國勳及民主黨立法會議員鄺俊宇，前晚先後陪同事主去警署報案。劉國勳噚日喺立法會開會時，仲著住同前日一模一樣嘅衫，佢話自己陪同事主報警，搞到凌晨4點幾，結果無返屋企，去咗立法會留宿，因為噚日朝早8點半就要出席會議。