【明報專訊】勞工界噚日喺北角一間酒樓舉行酒會，特首林鄭月娥、勞工及福利局長羅致光等都有出席，而泛民關注勞工權益嘅政團則喺場外向林太抗議，職工盟、社民連、工黨等均到場示威，包括要求為標準工時立法、恢復集體談判權，示威者一度衝出馬路，試圖攔阻林太嘅座駕、交請願信等。面對示威，林太離開時笑笑口未有理會，亦無接信，最終職工盟就喺現場燒毁請願信以示不滿。