【明報專訊】著名小說作家倪匡（圖），亦係傑出電影編劇，出自佢手嘅作品如《精武門》、《獨臂刀》等膾炙人口，爸爸媽媽輩一定睇過。香港電影編劇家協會今年將榮譽大獎頒畀倪匡，會長莊澄早前親身向倪匡伉儷頒獎，大家更對談講咗唔少鮮為人知嘅往事。倪匡謙虛話只識寫文學劇本，唔識寫電影劇本，亦因一落筆就盡全力，所以唔喜歡修改，由此建立咗佢有別編劇同業、只寫一稿嘅獨特習慣。