【明報專訊】禮賓府周日（18日）舉行開放日，政府新聞處昨公布詳情，禮賓府當日上晝10點至下晝5點開放，市民可以入去花園同小庭園賞花，包括盛放嘅杜鵑花，又可以參觀特首喺禮賓府舉行官式活動同接待賓客嘅地方。政府咁着重創新科技，遊覽路線都加入啲科技元素，到時遊覽路線沿途會擺QR Code同展板，介紹禮賓府嘅歷史、建築特色同珍貴時刻，參觀者利用手提電話配合相關閱讀軟件，就可以睇到禮賓府同花卉資料。