【明報專訊】兩會正喺北京舉行，特首林鄭月娥噚日列席全國人大會議開幕儀式，之後同一班香港青年見面。國家主席習近平上年喺十九大報告話要支持香港融入國家發展大局，林太噚日就話如果香港年輕人融入唔到，做嘅事會事倍功半。面對在場一班喺內地讀書、就業、創業嘅港人，佢大嘆香港仲有唔少年輕人未能好好把握國家發展嘅機會，佢話自己好重視青年工作，所以希望幫助香港年輕人喺神州就業、創業以至追夢。