【明報專訊】周日就係3．11立法會補選，今次民主派同建制派壁壘分明，出選新界東嘅新同盟范國威噚日朝早搵咗新東立法會議員林卓廷幫手企街站拉票。政界都知道，佢哋兩人曾因為2010年政改方案及范國威退出民主黨，有牙齒印，不過阿廷話今次選舉係民主派同「保皇黨」嘅對決，一切以大局為重，唔好提前嫌，又話幫民主派候選人係應有之義，唔少黨友都有幫手站台。